महामन्त्री थापाको परिकल्पनामा पार्टि कार्यालयमा पुस्तकालय, २५ हजार पुस्तक संकलन

ललितपूर: सानेपा स्थित नेपाली काङ्ग्रेसको केन्द्रीय कार्यालयमा पुस्तकालय स्थापना भएको छ । उक्त पूस्तकालयको उद्घाटन गत वर्ष श्रावण ६ गते काङ्ग्रेस सभापति शेर बहादुर देउवाले गरेका हुन् ।

'अध्ययन तथा विमर्शकोलागि पार्टी कार्यालयमा पूस्तकालयको स्थापना भने २०५६/५७ सालमै भएको हो' कार्यालय सचिव कृष्णप्रसाद दुलालले भने । उनी भन्छन् - 'त्यतीबेला टेकूस्थित भाडाको घरमा पार्टी कार्यालय थियो जहाँ पूस्तकको सङ्ख्या थोरै र पढ्ने ठाउँ पनि सानो थियो । अहिले उक्त पूस्तकालयलाई व्यवस्थित र ठूलो बनाएका हौँ । यहाँ विभिन्न विद्याका कूल २५ जहार पूस्तक उपलब्ध छन् । यसमा पूस्तक सहयोग गर्ने स्वदेशी लगायत विदेशी गैऱ्ह-सरकारी संस्था एफ.ई.एस. पनि रहेका छन् । यो कार्य महामन्त्री गगन कुमार थापाको भिजन अनुसार अगाडी बढाइएको हो ।'

केही दिन अघि ४३ औँ वीपी स्मृति दिवसको अवसरको एक कार्यक्रममा माननिय तथा महामन्त्री गगन कुमार थापाले सम्झँदै भने - 'पार्टी कार्यालयमा पूस्तकालय खोल्ने उनको सोचलाई जब आफ्नो सभापति शेर बहादुर समक्ष व्यक्त गरे, तत्कालै सभापतिले १ लाख सहयोग गर्ने वचन दिए । त्यसलगत्तै उप-सभापति लगायत अन्य पदाधिकारीहरुले पनि रकम सहयोग गरे ।' उनले थपे - 'पूस्तकालय खोल्ने यो महान कार्यकोलागि सबैभन्दा धेरै नगद सहयोग नेता उमेश श्रेष्ठले गरेका छन् ।'

महामन्त्री थापा भन्छन्, - 'विभिन्न प्रकाशकहरूलाई चिठ्ठी पठाएर पुस्तक सहयोग गर्न आव्ह्वान गरिएको र यसक्रममा १२ वटा प्रकाशन कम्पनीहरुले सहयोग गरेको थियो । त्यसबाहेक, डेमोक्रेटिक ईन्जिनियर्स एसोसियसन, डेमोक्रेटिक डक्टर एसोसियसन लगायतले संस्थागत र व्यक्तिगत रुपमा पनि सहयोग आएको थियो।' उनले भने,'पूस्तकालय बनाउनुको उद्देश्य विगतमा नेपाली काङ्ग्रेसले कस्ता कस्ता योगदान गरेको रहेछ भनेर नयाँ पुस्ताले थाहा पाओस् भन्ने हो । यो पूस्तकालय मात्र होइन इतिहासको 'आर्काइभ' पनि हो ।'

कार्यालय सचिव दुलालका अनुसार - 'अहिले पूस्तकालय समय बिहान १० बजेदेखि ५ बजेसम्म रहेको र सार्वजनिक विदाको दिनमा बन्द हुँदै आएको छ । केहि महिनापछि नै पेशागत 'लाइब्रेरियन' नियुक्त गर्नेछौँ । तत्पश्चात पूस्तकालय समयावधि थपिने लगायत अझै व्यवस्थित गरेर सदस्यहरुलाई अनलाईन पूस्तक समेत उपलब्ध गराउने गरी कार्य भैरहेको जनाए । अहिलेलाई त्यहाँ उपलब्ध पूस्तकहरुको सूची भने नेपाली कङ्ग्रेस डट ओ.आर.जीमा हेर्न सकिन्छ ।'  

काङ्ग्रेस पार्टीले पठन संस्कृतिलाई बढावा दिन यसलाई नमूना पूस्तकालय बनाउन खोजेको हो । साथै, भविष्यमा यस्ता पूस्तकालय जिल्ला-जिल्लासम्म विस्तार गर्ने लक्ष्य राखिएको छ । यसकोलागि नेपाली काङ्ग्रेस पूस्तकालय तथा पार्टी अध्ययन स्रोत केन्द्र विभागका प्रमूख अर्जुनबाबू शिवाकोटी सहितको टिमले नीति बनाउने गरेका छन् ।