भुटानको आर्थिक हबको रुपमा क्रिप्टो भण्डार गर्ने रणनीति

भूटानको एक नयाँ आर्थिक हबले बिटक्वाइन र ईथर सहित प्रमुख क्रिप्टो सम्पत्तिहरू समावेश गरी क्रिप्टोकरेन्सी रिजर्भ स्थापना गर्ने रणनीतिक योजना बनाएको छ।

जनवरी ८ मा भुटानको गेलेफु विशेष प्रशासनिक क्षेत्र (एसएआर), जसलाई गेलेफु माइन्डफुलनेस सिटी (जीएमसी) पनि भनिन्छ, उक्त शहरले बिटक्वाइन, इथर र बीएनबी जस्ता डिजिटल सम्पत्तिहरूलाई यसको रणनीतिक भण्डारको रूपमा मान्यता दिने योजना सार्वजनिक गरेको थियो ।

जीएमसीको रणनीतिक भण्डारमा डिजिटल सम्पत्तिहरू समावेश गर्नुको उद्देश्य क्षेत्राधिकारको आर्थिक लचीलोपन बढाउनु र बिटक्वाइन माइनिङमा यसको संलग्नताबाट नयाँ अवसरहरू प्रदान गर्नु हो।

घोषणामा भनिएको छ कि शहर प्रशासनले आउँदो मार्चमा भूटानसरकारका वरिष्ठ अधिकारीहरू र वैश्विक उद्योग नेताहरूसँग यसको क्रिप्टो  रिजर्भ गर्ने रणनीतिक योजनाबारे छलफल गर्ने अपेक्षा गरिएको छ ।

बिटक्वाइन-मात्र रणनीतिक रिजर्भ होइन

बिटक्वाइन-मात्र रणनीतिक भण्डारहरूको अन्वेषण गर्ने अन्य विश्वव्यापी क्षेत्राधिकारहरूको विपरीत, भूटानको जीएमसीले यसको सम्भावित क्रिप्टो रणनीतिक रिजर्भको भागको रूपमा धेरै स्थापित क्रिप्टोकरेन्सीहरू भण्डारण गर्न खोजेको हो ।

"जीएमसीले ठूलो बजार पूँजीकरण र गहिरो तरलताको साथ डिजिटल सम्पत्तिहरू पहिचान गर्न चाहेको देखिन्छ ताकि उनीहरूलाई न्यूनतम मूल्य प्रभावको साथ सजिलै खरीद र बिक्री गर्न सकियोस्," प्रशासनले भन्यो । जीएमसीले "अधिक परिपक्व, सुरक्षित ब्लकचेनहरूमा जारी गरिएको डिजिटल सम्पत्तिलाई मान्यता दिन पनि खोजेको छ, जसले अनचेन लेनदेनको अनुगमनलाई व्यापक सहयोग गरोस्," उसले जोड्यो ।

यो पुर्ण हुन जीएमसीलाई २१ वर्ष लाग्नेछ

भुटानले सन् २०२४ को नोभेम्बरमा जीएमसी परियोजना निर्माण सुरु गर्न १० करोड अमेरिकी डलरको ऋणपत्र घोषणा गरेलगत्तै यो प्रस्ताव आएको हो ।

राजा जिग्मे खेसर नामग्याल वाङचुकका अनुसार यो परियोजना दक्षिण एसियालाई दक्षिण-पूर्व एसियासँग जोड्ने आर्थिक करिडोरको रूपमा परिकल्पना गरिएको छ र यसमा कार्यकारी स्वायत्तता र कानुनी स्वतन्त्रता पनि छ।

अधिकारीहरूका अनुसार जीएमसी चरणबद्ध रूपमा निर्माण गरिनेछ र २१ वर्षमा पूरा हुने अपेक्षा गरिएको छ।

भुटानसँग अहिले १.१ अर्ब डलर (डेढ खर्ब नेरु) बराबरको बिटक्वाइन छ

जीएमसीको क्रिप्टो रिजर्भ घोषणा भूटान सरकारले पहिले नै बिटक्वाइन र अन्य क्रिप्टो सम्पत्तिहरू ड्रुक होल्डिंग र इन्भेस्टमेन्ट्स (डीएचआई) मार्फत राखेको छ, यो शाही सरकारको एक व्यावसायिक शाखा हो ।

अर्खम इन्टेलिजेन्सका अनुसार भुटानसँग ११ हजार ६ सय ८८ बिटक्वाइन (१ अर्ब १२ करोड अमेरिकी डलर) र ६ सय ५६ इटीएच (२२ लाख डलर) छ । यसको अतिरिक्त, ड्रुकसङ्ग पोलीगन, बीएनबी चेन र बेस जस्ता चेनहरूमा समेत सानो परिमाणमा लगानी रहेको छ ।

फोर्ब्सका अनुसार - भुटानले सन् २०१९ देखि नै बिटक्वाइनमा लगानी गरिरहेको छ, बीटीसी (बिटक्वाइन) को महत्वपूर्ण भाग स्थानीय बिटक्वाइन माइनिङ सञ्चालनबाट आएको छ।

रिपोर्ट अनुसार, बिटडियर जस्ता प्रमुख क्रिप्टो माइनिङ फर्महरूसँग सहकार्य गर्दै, डीएचआई (समस्याग्रस्त क्रिप्टो ऋणदाताहरू - ब्लकफाई र सेल्सियसको ग्राहकको रूपमा पनि चिनिन्छ) ले डिजिटल सम्पत्तिमा लाखौं डलर लगानी गर्दछ।

श्रोत: क्वाईनटेलिग्राफ