‘जेनजी डाक्टरलाई न्याय दे’ भन्दै माइतीघरमा युवा चिकित्सकको प्रदर्शन

काठमाडौँ: जेनजी सरकार, जेनजी डाक्टरलाई न्याय दे’ भन्ने नारासहित प्रशिक्षार्थी तथा युवा चिकित्सकहरूले काठमाडौंको माइतीघर मण्डलामा प्रदर्शन गरेका छन्।

श्रम अधिकार, पारिश्रमिक, बिदा, मानसिक स्वास्थ्य र चिकित्सा शिक्षासम्बन्धी ७ बुँदे माग राख्दै उनीहरू सडकमा उत्रिएका हुन्।

प्रशिक्षार्थी चिकित्सकहरूलाई लामो समयसम्म काम गर्न बाध्य पारिएको, श्रम ऐनअनुसारको सुविधा नपाएको र अध्ययन–प्रशिक्षणका क्रममा विभिन्न समस्या भोग्नुपरेको उनीहरूको गुनासो छ।

चिकित्सकहरूले श्रम शोषण अन्त्य गर्दै सुरक्षित र सम्मानजनक कार्य वातावरणको माग गरेका छन्।

साथै, बजेटमा बढाइएको तलब कार्यान्वयन गर्दै आवासीय चिकित्सकलाई अधिकृत आठौँ तह सरहको तलब साउनदेखि दिनुपर्ने र ४८ घण्टाभन्दा बढी काम गराए अतिरिक्त भत्ता दिनुपर्ने माग पनि उनीहरूले राखेका छन्।